MR.
Sarel Bester
In 1960
maak Sarel Bester die eerste keer kennis met amateur stoei
toe sy oudste seun Garfield by Generaal Alberts Stoeiklub in
Alberton begin stoei.
In
1972 word hy verkies op die bestuur van bogenoemde klub, wat
destyds nog onder Transvaal geresorteer het, en terselfdertyd begin
hy
as ‘n leering-beampte tyd en
telbord doen.
In
1975 stig Oos-Transvaal van Transvaal af en Genl Alberts Klub
val in Oos Transvaal
In
1977 word hy verkies as lid van Oos-Transvaal se Uitvoerende
Bestuur
In
1979 word hy die Vise-President van oos Transvaal
In
1979 word hy die eerste beampte wat die destydse “Meriete
Toekenning: “Beampte van die Jaar”ontvang. (‘n Toekenning wat die
Uitvoeroende Bestuur op aanbeveling van die destydse Tegniese
Komitee aan een beampte elke jaar toegeken het)
In
1980 word hy verkies as:
Voorsitter Alberton Stoeiklub; President van Oos Transvaal; Lid
van Uitvoerende Bestuur SA; Lid van die Tegnies Komitee (Beampte
Raad) van SA
In 1987 word hy verkies as
Vise-Voorsitter van die Tegniese Komitee van S.A.
In 1989 bedank hy as
Voorsitter van Alberton Klub, maar word verkies as Ere President, en
beklee tans nog die posisie
In 1991 na die afsterwe van
sy goeie vriend, Jan Voges, word hy die Voorsitter van die Tegniese
Komitee wat op sy aandrang van toe af bekend staan as die Beampte
Raad van Suid-Afrika
In 1991 toe Fila in
Varna-Bulgarye besluit het om Suid Afrikaase Stoei weer sy
internasionale status terug te gee, was hy deel van die deputasie en
dadelik, daar in Bulgarye, het hy stewige vriendskapsbande met veral
Mnre Raffy Martinett, Mario Saletnig en Adel Moustafa gesmee.
Noue skakeling met Fila se Beampte Raad volg en oor die jare
word talle Suid-Afrikaanse beamptes deur sy invloed gehelp op
internasionale vlak.
Onder sy Voorsitterskap
word die eerste internasionale beampte kursus in Suid-Afrika
aangebied en tydens ‘n geselligheid daarna by sy huis belowe Mnr
Martinetti en Saletnig om by Fila die graderings aan te beveel wat
hy vir sy beamptes verlang, iets wat hulle dan toe ook gedoen het.
In 1993 word hy die eerste
beampte ooit wat op sy ouderdom ‘n Fila Kategorie ”E” gradering
ontvang en op dieselfde kongres ‘n Ere “E” toekenning ontvang.
In 1996 bereik Oos
Transvaal se nominasies die Sekr Generaal van SA te laat en is hy
gevolglik nie weer verkiesbaar as Voorsitter van die Beampte Raad
nie, maar word egter tydens die vergadering verkies as ‘n
addisionele lid op die Uitvoerende Bestuur van SA
In 1998 word hy verkies as
Senior Vise President van SA, wat aan hom ‘n ononderbroke
dienstydperk van 20 jaar op die Uitvoerende Bestuur
van SA gee. Omdat die
Grondwet bepaal dat die Senior Vise President, die Beskermheer van
die Beampte Raad is, is hy steeds baie nou verbonde aan die Beampte
Raad.
Oom Sarel en Tannie Freda is al 51
jaar getroud en het 4 kinders ; 3 seuns en 1 dogter.Top
|
