Na afloop van die tweede dag van die Wereld Meesterskampioenskappe in Domdidier Switserland het drie SA stoeiers reeds medaljes verower. Clifford Etsebeth het reeds Vrydag derde geeindig en die brons medalje in kategorie E onder 130 kg verower.

Chris Sutton, wat aan sy eerste Wereldkampioenskappe deelneem het laat gistermiddag die brons medalje in die kategorie C onder 97kg gewen met ‘n uitstekende oorwinning oor Istvan Korpics van Hongarye. Hy het in sy eerste wedstryd met Siamak Ezati van Iran afgereken, maar ongelukkig naelskraap teen die Wereldkampioen, Hidemitsu Yugawa, van Japan verloor.

Willem Putter het gisteraand naelskraap in die kategorie D onder 85 kg afdeling se finaal teen ‘n voormalige Europese senior kampioen, Nikolai Kazarof van Rusland, met 0-1 (clinch teen Willem), 1-0 & 1-1 verloor. Die wedstryd word deur baie as die beste van die kampioenskapep beskou. Willem se silwer medalje bring sy medalje oes op 5 goud, 5 silwer en 1 brons in 11 toernooie te staan.

Ons ander het langs die pad gesneuwel.

Hennie van Baalen het tydens ‘n oefening ‘n rugwerwel gebreek & in die hospitaal beland.

Vandag stoei Danie de Wet, Adie & Hardus van Zyl.

Groete

Pine